មរណភាពយុវតីMa Kyal Sin ដោយការបាញ់ប្រហារពីយោធាភូមាអង្រួនចិត្ត ពិភពលោក

​លោកស្រី​ Christine Schraner Burgener ប្រេសិតពិសេសអង្គការសហ ប្រជាជាតិទទួលបន្ទុកភូមា បានឱ្យដឹងកាលពីថ្ងៃទី០៣មីនាថា ចំនួននាក់ស្លាប់ ដោយសារតែការបង្រ្កាបពីកងកម្លាំងសន្ដិសុខភូមាក្នុងពេលបាតុកម្មបានឈានដល់៣៨នាក់។ មនុស្សទាំង៣៨នាក់នោះភាគច្រើនត្រូវបានរាយការណ៍ថាស្លាប់ដោយត្រូវគ្រាប់កាំភ្លើងពិតៗរបស់កងកម្លាំងសន្ដិសុខ។ ទោះជាអង្គការពិភពលោក អង្គការតំបន់រាប់រយ អន្ដរជាតិច្រើនប្រទេស ដាក់ការ ថ្កោលទោសទាមទារឱ្យបញ្ឈប់ការធ្វើហិង្សាដ៏ឃោរឃៅលើបាតុករក៏ដោយក្ដី ក៏សារជាតិយោធាភូមាមិនប្រណីជីវិតប្រជាពលរដ្ឋនោះទេ។ កម្លាំងសន្តិសុខ ភូមាមិនបានដកដៃបញ្ចប់ការកៃគន្លឹះអាវុធ រក្សាភាពអត់ធ្មត់ ដោះស្រាយ វិវាទ នយោបាយដោយសន្តិវិធីឡើយ។
#MaKyalSin #Myanmar_Coup