អាមេរិកនឹងកំទេចអ៊ីរ៉ង់ដោយប្រើយន្ដហោះB-52ផ្ទុកនុយក្លេអ៊ែរ

ទីភ្នាក់ងារសារព័ត៌មានរ៉ូទ័របានចុះផ្សាយកាលពីថ្មីៗនេះថារជ្ជកាលរបស់លោកដូណាត្រាំបានសំរេចបញ្ជូនយន្ដហោះB-52ដែលផ្ទុកដោយអាវុធនុយក្លេអ៊ែរទៅដាក់នៅប្រទេសមួយចំនួននៅមជ្ឈឹមបូព៌ាដូចជាប្រទេសអារ៉ាប៊ីសាអូឌីត ប្រទេសហ្សក់ដានី ប្រទេសអ៊ីស្រាអ៊ែល ប្រទេសអ៊ីរ៉ាក់ដើម្បីកំទេចប្រទេសអ៊ីរ៉ង់ប្រសិនបើសង្គ្រាមផ្ទុះឡើង។យន្ដហោះទំលាក់គ្រាប់បែកB-52របស់អាមេរិកជំនាន់ថ្មីនេះគឺមួយគ្រឿងៗផ្ទុកនុយក្លេអ៊ែរដល់ទៅ៦គ្រាប់ដែលមានសមត្ថភាពទំលាក់លើសត្រូវគ្រប់សមរភូមិទាំងអស់ហើយរ៉ាដារបស់សត្រូវក៏មិនអាចចាប់បានដែរ។យន្ដហោះមហាយក្សដ៏ធំនេះសព្វថ្ងៃត្រូវអាមេរិកប្រើប្រាស់គំរាមកូរ៉េខាងជើងនិងប្រទេសចិន។មេបញ្ជាការអាមេរិកម្នាក់នៅតំបន់មជ្ឈឹមបូព៌ាដែលយកប្រទេសក្វាទ័រជាមូលដ្ឋានកងទ័ពអាកាសរបស់អាមេរិកនោះគឺមេបញ្ជាការរូបនេះបាននិយាយថាយន្ដហោះទំលាក់គ្រាប់បែកB-52យ៉ាងតិចបួនគ្រឿងបានទៅដល់ប្រទេសមួយចំនូននៃមជ្ឈឹមបូព៌ាហើយកាលពីសប្ដាហ៍មុន។យន្ដហោះB-52មួយគ្រឿងបើត្រូវហោះហើរលើអាកាសគឺយ៉ាងតិចណាស់មានយន្ដហោះចំបាំងល្បឿនលឿន៦គ្រឿងអមដំណើរសំរាប់យន្ដហោះនេះ។